Aya na hoga is tarah husn o shabaab ra’yt par
Gulshan-e-Fatima ke thay saare gulaab ra’yt par

Jaan-e-Batool ke siwa koi nahin khila saka
Qatra-e-aab ke baghair itne gulaab ra’yt par

Jitne sawaal ishq ne Aal-e-Rasool se kiye
Aik ke baad ik diye saare jawaab ra’yt par

Pyaasa Hussain ko kahoon itna to be-adab nahin
Lams-e-lab-e-Hussain ko tarsa hai aab ra’yt par

Ishq mein kya bachaiye, ishq mein kya lutaaiye
Aal-e-Nabi ne likh diya saara nisaab ra’yt par

Aal-e-Nabi ka kaam tha, Aal-e-Nabi hi kar gaye
Koi na likh saka Adeeb aisi kitaab ra’yt par