Ae Sabz Gunmbad Walay, Manzoor Dua Karna
Jab Waqt-e-Naza Aaye Deedar Ata Karna

Ae Noor-e-Khuda, Aa Kar Aankhon Mein Sama Jana
Ya Dar Pe Bula Lena, Ya Khwab Mein Aa Jana
Ae Pardah Nasheen, Dil Ke Parday Mein Raha Karna
Jab Waqt-e-Naza Aaye Deedar Ata Karna

Main Qabr Andheri Mein Ghabraun Ga Jab Tanha
Imdad Meri Karne Aa Jana, Mere Aaqa ﷺ
Roshan Meri Turbat Ko, Ae Noor-e-Khuda, Karna
Jab Waqt-e-Naza Aaye Deedar Ata Karna

Mujrim Hoon Jahan Bhar Ka, Mahshar Mein Bharam Rakhna
Ruswa-e-Zamana Hoon, Daman Mein Chhupa Lena
Maqbool Yeh Arz Meri Lillah Zara Karna
Jab Waqt-e-Naza Aaye Deedar Ata Karna

Chehray Se Zia Paayi In Chand Sitaron Ne
Us Dar Se Shifa Paayi Dukh Dard Ke Maron Ne
Aata Hai Unhein, Sabir, Har Dukh Ki Dawa Karna
Jab Waqt-e-Naza Aaye Deedar Ata Karna